ଫ୍ଲିପକାର୍ଟ ଆରମ୍ଭ କରିପାରେ ମଦର ହୋମ୍ ଡେଲିଭରି

ବାଙ୍ଗାଲୋର: ଦେଶର ଜଣାଶୁଣା ଇ-କମର୍ସ କମ୍ପାନୀ ଫ୍ଲିପକାର୍ଟ ମଦ ଡେଲିଭରି କରିବାକୁ ପ୍ରସ୍ତୁତ ହେଉଛି | ଏଥିପାଇଁ ଫ୍ଲିପକାର୍ଟ ଏକ ଷ୍ଟାର୍ଟଅପ୍ ସହିତ ହାତ ମିଳାଇଛି, ଯିଏ କି ମଦ କମ୍ପାନୀ ଡିଆଗୋର ଏକ ଅଂଶୀଦାର ଭାବେ କାର୍ଯ୍ୟ କରୁଛି | ପ୍ରାରମ୍ଭିକ ପର୍ଯ୍ୟାୟରେ ଦେଶର ଦୁଇଟି ସହରରେ ମଦର ହୋମ୍ ଡେଲିଭରି ପାଇଁ ଯୋଜନା କରାଯାଇଛି। ଏହାପୂର୍ବରୁ ଆମାଜନ ଦେଶରେ ମଦ ବିତରଣରେ ମଧ୍ୟ ପ୍ରବେଶ କରିବାକୁ ନିଷ୍ପତ୍ତି ନେଇଥିଲା। ଭାରତରେ ୨୭.୨ ବିଲିୟନ ଡ଼ଲାରର ବଜାର ଥିବାବେଳେ ଫ୍ଲିପକାର୍ଟ ଏବଂ ଆମାଜନ ଏଥିରେ ଅନେକ ଲାଭ ଦେଖୁଛନ୍ତି |

ପୂର୍ବରୁ ପଶ୍ଚିମବଙ୍ଗ ସରକାର କହିଥିଲେ ଯେ ଫ୍ଲିପକାର୍ଟ ମଦ ହୋ୍ମ୍ ଡେଲିଭରି ମୋବାଇଲ୍ ଆପ୍ ହିପବାର ଟେକ୍ନୋଲୋଜି ସହ ଯୋଗ ଦେଇପାରେ। ରାଜ୍ୟ ସରକାରଙ୍କ ଚିଠି ଅନୁଯାୟୀ ଫ୍ଲିପକାର୍ଟର ଗ୍ରାହକମାନଙ୍କୁ ହିପବାର୍ ଆପକୁ ପ୍ରବେଶ କରିବାକୁ ଅନୁମତି ଦିଆଯିବ | ଏକ ସୂତ୍ର ଅନୁଯାୟୀ, ଏହି ବ୍ୟବସ୍ଥା ଅନୁଯାୟୀ ଫ୍ଲିପକାର୍ଟ ଗ୍ରାହକଙ୍କୁ ସେମାନଙ୍କର ପ୍ରିୟ ମଦ ଅର୍ଡର କରିବାକୁ ଅନୁମତି ଦିଆଯିବ ଯାହାକୁ ହିପବାର୍ ଡେଲିଭରି କରିବ।

ଏହାପୂର୍ବରୁ ଜୁନ୍ ମାସରେ ପଶ୍ଚିମବଙ୍ଗରେ ମଦ ବିତରଣ ପାଇଁ ଆମାଜନ ଅନୁମତି ପାଇଥିବାର ଖବର ଆସିଥିଲା। ତେବେ ଆମାଜନ ଏଥିରେ ଆଗେଇ ନଥିବାବେଳେ ଦେଶର ଦୁଇଟି ପ୍ରମୁଖ ଖାଦ୍ୟ ବିତରଣ ଷ୍ଟାର୍ଟଅପ୍ ସ୍ବୀଗି ଏବଂ ଜୋମାଟୋ କେତେକ ସହରରେ ମଦ ଡେଲିଭରି କରିବା ଆରମ୍ଭ କରିଛନ୍ତି | କରୋନା ସଂକ୍ରମଣରୁ ରକ୍ଷା ପାଇବା ପାଇଁ ଲୋକମାନେ ଘରୁ କମ ବାହାରୁଛନ୍ତି, ଯାହା ଫଳରେ ଘରେ ମଦର ଚାହିଦା ବଢିଛି |

from ବାଣିଜ୍ୟ – Sambad https://ift.tt/30U1JO7